World MMA Awards Hrangah Aung La N Sang Vote Pek A Theih

MMA ih a sangbikmi laksawng Fighters Only magazine ih 2020 World MMA Awards laksawng pek dingmi cazin ah Aung La N Sang a tel ih mipi in online ihsin vote pe cio dingah Aung La N Sang in forhfialnak a nei.

“Nikum ih mi zapi in tha in peknak ruangah Fighter magazine ih a sangbikmi Fighters Only magazine hohanak ih tuahmi World MMA Awards laksawng pek puai ah International Fighter of The Year laksawng cu mipi zate ih vote in peknak ruangah ka rak ngah, hi laksawng cu MMA ah sinak laksawng sang zet pakhat a siih, nan zaten in vote ruangih ka ngahmi a si ruangah sim cawk loin ka lung a awi, vote in petu mi pakhat cio par khalah ka lung a awi ngaingai” tiah Aung La N Sang in a Facebook cahmai ihsin simnak a nei.

Hi laksawng cu MMA ah a sangbikmi laksawng a siih 2018 ihsin an rak pe thok. Myanmar ai-awh lektu pakhat dinhmun in Aung La N Sang cun nikum ah hnaisabik a rak ngah.

Atu khalah World MMA Awards laksawng pek ding cazin ah Aung La N Sang a tel ih, Aung La N Sang cun mipi pawl hnenah https://www.worldmmaawards.com/nominee/ website ihsin vote pek a theih thu simnak a nei.

 

Be the first to comment

Leave a Reply

Your email address will not be published.


*