Tulio Social Media a luah cilh tu Esther Dawt Chin Sung Tuanhbia Tawi; Video

Tulio Social Media a luah cilh tu Myanmar Idol Season 4, Top 10 i a kai kho tu Esther Dawt Chin Sung hi hodah asi?  Tutan Myanmar Idol i zuamnak i top 10 a kai kho ve mi Kan Laimi pa 4 chungin a lar taktak mi Esther Dawt Chin Sung i konglam kan theihkhawh mi tete kan in hrawm hna.

Esther Dawt Chin Sung hi Laitlang Hakkha khuapi ah a chuak i, a tulio Rangon ah Economic College kai in khua a sak liopi a si. Sayamah Par Ki leh Pa Chan Cung Hnin ih Fa upa cem asi i unauza pa 3 an si. Ṭapa pakhat le naunu hnih angei hna.

Esther Dawt Chin Sung hi tutan i zuamnak Myanmar Idol Season 4 i a zuam hlanah kan Laimi lakah a lar taktak cang mi muidawh hlasak thiam pakhat asi cia cang. CACC ih tawlrel nak in Hakkha i an rak tuah mi Chin Idol i zuamnak ah Winner a rak si cang. Mah CACC i tuah mi Chin Idol i zuamnak i a ngahmi Paisa cu a Pa Chan Cung Hnin i Mission rianṭuan nak Biakinn saknak caah a rak thawh ve. Pathian ram ca i pek a siang tu a si.

Esther Dawt Chin Sung hi hlasak a huam ngai mi asi i, hngakchia kum 3 a si lio, Microphone tlaih hmanh a thiam hlan in a Ni hruainak le cawnpiak nak thawngin hlasak a rak ot cang. Kohhran buu i hlasak i zuamnak zongah lehsawng tamlak te a hmu cang mi asi. Laimi huap ih hlasak i zuamnak lawng silo in Kawlram pumhuap i zuamnak zongah a tel bal tu Winner lehsawng zong a dong tu a si. Kum 10 a si ah Kawlram pumhuap i zuamnak, Myanmah-Yuya-Yinkyi-Hmuh zongah a tel i Winner a rak si bal.

Cun, Myanmar’s Got Talent, Myanmar rampum huap i zuamnak zongaj a hawi le he hlarem ( Group Choir) in an rak tel ve i Final tiang an rak phan khawh. Esther DCS hi pawlkom buu le an sianginn i tawlrel mi Muidawh i zuamnak ah voi 3 tiang bak Queen i thim mi a rak si.

Tutan Myanmar Idol Season 4 hlasak i zuamnak zongah hin Top 10 tiang a phan cang i kan mah Laimi lawng silo in Kawlram mipi tam pi nih kan uar tuk mi muidawh hlasak thiam asi. I zuamnak hi peh thluahmah ding an si i tuzarh ca cawn ni 4 zan, November ni 7 ah Rock hla he an i zuam ṭhan te lai. Tutan Mynammar Idol Season 4 ah hin Top 10 tiang a phan kho tu kan Laimi minung pa 4 an si hna. Kan theih cia cang bantuk in Yaw Kee.. 77701, Benjamin Sum..77702, Tan Khun Kyaw (Thuam Lian Thang) ..77704 le Esther Dawt Chin Sung..77708 pawl hna an si.  Kan mah kan uar cem mi vote pek nak in tha pe cio hna uhsi.

Video zoh khawhnak;

Credit: Chin Net

 

Be the first to comment

Leave a Reply

Your email address will not be published.


*