Pathian a ṭihzahtu Mino hi an nunziaza a rak mawibik cingcing

Tuih kan mino dinhmun ka zoh rero tikah, mino hrekkhat cu mai’ ruahdan le mai’ hmuhdan, ngai dan lawng dik bikih thei-aw, midang ruahdan le midang hmuhdan cu diklo, sual ih ruat an tam. “Aw a si ngai” timi lungput an nei lo. Mah hnakih upa ih thurawn pek le thusim ziangah an siarlo. Hivek minung pawl hi an nunzalam tluan zingzawi tikah zirnak lam ih tlasam deuh an rak si ziar ṭheu.

Zirsang deuh pawl mino hrekkhat lala an sile, midang khawruahnak le midang hmuhdan, pawmdan cu ziangah an siarsak lo, an zirsannak khan mahhnakih upa ziangih siarlonak le namthlaknak ah an hmangih an kiangkap le an tlanlenpi, (pawlkawm sung khalah) thu theitubik si an tum ringring. Upa ṭihzah upatnak cang an thiamlo ih thurawn pek tla cu anmah sawn in thei-awter zetin thurawn mi an pe sawn lam.

Pathian a ṭihzahtu Mino cu (ka tawntehmi rori) mah hnakih upa ṭihzah upat hna an thiam, mah hnakih upa thuhla an sut, thu an rawn, an theihlomi tla thei-awter zetin umlo ten tangdawr zetin an theihlomi parah anmah hnakih zirsanglo le nauhak sawn an si hman ah ruahnak an dil, thu an sut.

Zianglam khal asile, Pathian a ṭihzahtu Mino hi an nunziaza a rak mawibik cingcing ko e…

Be the first to comment

Leave a Reply

Your email address will not be published.


*