Mask Bun Loih Karaoke Dawr Fehtu Lee Hyori le Yoona Cu Nasazet In An Soisel

Korea hlasak thiam hminthang Lee Hyori le Girls Generation sungtel Yoona cu Covid – 19 nathrik lenlai ih Mask bun loin Karaoke dawr an feh ruangah nasazet ih soisel an ton thu theih a si.

July 1 zaan ah Lee Hyori cun a Instruments ih Live a thlahmi ah Mask bun loin Karaoke dawr an thleng thu cui Live thlahnak ihsin hmuh a si.

Live thlahtu hlasak thiam Lee Hyori in “Yoona thawn zu kan in thluh hnuah Karaoke dawr kan feh, Apgujeong ih ummi Karaoke dawr pakhat a si” tiah a sim.

Karaoke ih an rualpi mipa pakhat in SM Entertainment rori hivek hmun ah an um timi thei in phone an lo call tikah ziangtin nan tuah ding tiah a sut. Cu tikah Yoona in “a remcang ko” tiah a sawn.

Hyori-s Homestay program ah an pahnih an tel hnu atu bangtukin an tonawk salmi hmuh a si tikah minung tampi cu an lung a awi zet. Asina’n Mask bun loih a um hmuh a si tikah mi tampi an thin a nuam lo.

Hi bangtuk tongkam an ton hnu Lee Hyori cu Mask a bun ih Yoona khalin Karaoke an feh caan ah Mask bun in a feh thu simnak a nei. Atu bangtukih Covid – 19 caan ih an nuncan ruangah Lee Hyori le Yoona cun a hranten ca suah in mipi hnenah ngamthiam dilnak an nei.

 

Be the first to comment

Leave a Reply

Your email address will not be published.


*