Japan Ram Nitlaknak Lam Cu Tilian le Leimin In A Nuai

Japan ram nitlaknak lam cu tilian le leimin in nadazet ih a nuai ruangah minung 200000 lenglo cu an khua le ram suahsan in hmundang ih thawn dingah thupek an suah.

Hi thilcang ruangah minung 100 lenglo cu a kharh khum ih July 4 tiang ahhin mithi 14 hnakih mal lo an thi. Humhimtu minung 10000 khal ralring thepthep ih um cia dingah tlunlam cun thupek an suah.

Leimin ah inn tampi a siat ih humhimtu pawl cu leilung sungih hrekkhat a pil zo mi inn tukverh cun mihlo an hawl rero. “Ruahpi a tam tuk ihsin hmundang ih thawn dingah thusuahnak kan nei, ruahpi a tamtuk ruangah mai nunnak humhim ding cu mipi hnenah nasazet in kan forhfial” tiah țuanvo neitu pakhat in a sim.

Hi hmunram ah inn 8000 lenglo meisa a siat ih tlangleng khualtlawng khal cawlhter a si. Atu hrawng hi Japan ram ih fur caan a siih, fur sungah tilian, leimin a um theu ruangah himnak hmun ah thawn dingin țuanvo neitu pawl cun thusuahnak an nei.

 

Be the first to comment

Leave a Reply

Your email address will not be published.


*