India Ihsin Tlungtu Ding Chinmi 190 Hrawng An Um

Covid – 19 lenlai caan ah India ram ihsin hong tlungtu ding Chinmi 190 hrawng an um ih, atu ahhin minung 6 an tlun zo thu Tamu peng senpi tlangsuak palai U Naing Win in simnak a nei.

“Chin ramkulh in a ra tlung dingmi cazin in kuatmi a um, a cekci cun ka theilo, a hlan cazin vek asile minung 190 hrawng an si, cumi sungah mi 7 an hong tlung zo, a tangmi pawl ziangtik an tlung ding timi theih a si hrih lo, Myanmar lam cun lamzin ka onsak, ramțhen acozah le ramdinkhawm ah thuhla kan sim ih a tulmi kan tuahsak” tiah tlangsuak palai U Naing Win in a sim.

India ram ah Chinmi pawl cu thuhla phunphun ruangah an thleng ih hrekkhat cu fimthiamnak thawn pehparmi an siih, mi tam sawn cu daan loin thlengtu an si.

U Naing Win in “an dinhmun khal a bang aw lo, hrekkhat cu daan in an feh ih hrekkhat cu daan loin an feh, cun fimthiamnak zirtu khal an um, curuangah a hong tlungtu cu an zaten kan cohlang, hmun hrekkhat cu India acozah khal ih bomnak hmun a um vekin daan lo an si tikah bom ding harsatnak a um, kan tlin tawk cun kan bawm rero ko” tiah a sim bet.

Atu tiang Covid – 19 caan ah India ram Moreh ihsin Tamu hong tlungtu mi 7, 10, 36 tiin a bur in an tlung ih Tamu ah Quarantine lutter an si tiah theih a si. Ref : Chin World

 

Be the first to comment

Leave a Reply

Your email address will not be published.


*