Falam Khawsung ah Dan lo ih Sa thah a ngah nawn lo

Falam Peng sungah Dan lo in Sia, Vok, Caw pawl thah sian a si nawnlo tiah Falam Municipal zung cun mipi hnen ah thuhla thehdarhnak an nei. Dan lo ih Sa thah timi ah Sia, Vok, Caw pawl that ih an Sa zuar in sipuazi tuah, timi kha an simmi duhmi a si.

Sia, Vok, Caw pawl (Sa) that duhtu cun Sakhung lilam ngahtu hnen ah thuhla cipciar theihter ta tengteng ding a si. Ziangah hitin an tuah ti asile, Sakhung ih Sa zuar theinak License ngah dingah hin paisa tam zet cem in le harsa zetih ngahmi a si tik, hmun dangah (Sakhung si lo) Sa an rak that ih an rak zuar tikah Sakhung ih Sa zuartupawl hrangah an sung tukih harsatnak an tong ṭheu ruangah a si.

A tlunlam ih sim zo bangin, sumdawnnak ah hmangin Dan loin Sia, Vok, Caw pawl an that ih an zuar tikah Sakhung pawl an naa tuk ruangah Municipal in tuvekin Dan an suahnak a si. Hi Municipal Dan hi mipi lam in an upat ding khal an simthan aw cih. Dan thar an suahmi an thehdarhnak ding hmun pawl cu, Falam khawpi sung le Falam pengsung um khaw tin hnen ah a si ding.

“Khawsung ah a thupte in Sa that an um ṭheu, culawng hman si lo, khawte lam ihsin Sa an thah mi an zuar tivek khal a um ṭheu. Biaknak lam siseh pawlkom cangvaih nak hrangih Paisa hawlnak hrangah tiin Sa an that ih an zuar ṭheu, hivek hi Dan pahbal an si. Curuangah Dan sung ih hnaṭuan nak ding hrang Sakhung ih Sa zuar pawl hnen ah simthannak le thurawnnak nei dingin kan duhmi a si” tiah Falam Municipal ṭuanvo neitu Pu Lian Thang cun a sim. Thulaknak; Chinland Herald Daily News

 

Be the first to comment

Leave a Reply

Your email address will not be published.


*