CYO Concert ah Ni Len Par maw Mualpho deuh, Pangpar thawn a denmi pa? VIDEO

Myanmar Idol zuamawknak ih tel Chinmi pawlin nasate ih tha an pekmi Ni Len Par cu Malaysia ah CYO ih tuahmi Concert ah mipi hmai Stage par ihsin mawilo zetin acangvai. Mipi ih pekmi Pangpar thawn zo ti theihlo, mi pakhat cu a Pangpar kenmi thawn a phom/den ciamco.

Stage parih hlasak hminthang tampi pawl khi vei tampi ah mipi lak ihsin ṭongsia tampi an theihmi a um nan, zianghman theilo bangten an umsan men. Asinan Ni Len Par cu mipi hmai stage par rori ah a thinheng sup theilo in hivek ih cangvaih ruangah mipi ih demnak nasa tak a tongih a mah khal mualpho tak a si.

Kan dung Unau Halkha pawlih tuahmi Concert pakhat khalah Genevi Sui khal zuri pakhat in Stage parih hla a sak lai na takin a dirh zih a tla zikte. Asinan Genevi Sui cu Stage parah zoh mawilo tiangtiang acangvai lo ih mipi ih pawrh le lawm a hlawh zet. Minung zovek khal, mifim cun an thinhengnak an sup thei ṭheu.

Ni Len Par concert nak stage parih hivek acangvaihmi cu mipi lamin an dem nasa ih, “Hivek ton tikah ṭuanvo neitu security ṭuanvo pekmi an um ko na cingin amah, Ni Len Par, rori in mawilo zetin acangvai mi cu zoh a se tuk. Pakhat pa in pangpar thawn a den/phom ruangah a deng/phom ve an ti ko nan, a dennak pangpar hi mankhung a si lo ding” tiah Cable Network Channel cun an tarlang.

“Laimi ṭheu ṭheu hi cu, duhdawtnak le pawlkomawknak hrangah tiin CYO in concert an tuahmi a si nan, a cemnetnak cu huatawknak le ralawknak ah an cang ṭheh a si hi e”, tiah an ngan bet. A hnuai ah Ni Len Par in stage par ihsin pangpar thawn mi pakhat a den/phom lai Video rak zoh aw.

Video

Atlun ih Video hi na zoh theilo pang asile zianghman langlomi kha hmet awla a ra langcih mei ding.

 

Be the first to comment

Leave a Reply

Your email address will not be published.


*