Aung La N Sang COVID-19 Nathrik A Ngah

ONE Championship ah leitlun ih micakbik Myanmar (Kachin) pa cak Aung La N Sang cu ninghang za zet in Covid-19 natnak a ngah thu mah ih Facebook cahmai ah a tarmi ihsin thuthang duh um lo zet thei a si. Aung La N Sang hi June 29 ni ah Covid-19 nathrik a nei le neilo a check awk ih ni 4nak ah test result a suak ih ruah ban lo pi in positive a rak si ta riai.

Aung La N Sang ih Covid-19 Test Result

Amah nih a Facebook cahmai par ih a tarlang dan vekin a tanglam ah kan tarlang;

“Duhdawt mi sungkua le rualpi pawl, tlawngkai ni khat ni ah khan Covid-19 nathrik ka rak test ih a result cu tuni ah a ra suak ih positive ka si. Curuangah ka nupi ka fate thawn kan sungkua in ni 14 sung quarantine in kan mahte kan um ding a si. Ni hnih sung ka tak a sa, ka taksa tla a na, ka thaw thawt tla a har, cuvek in ka tuar.

Aung La N Sang test result

Asinan ka sungkua pawl cu harhdam zetin an um ih thluasuah kan dong a si. Atu dinhmun cu hiti hi kan si ko, hi natsia hi kan pah khawsuak thei ko ding.”tiin a ngan.

Aung La N Sang facebook post

A tu vekin Aung La N Sang nih Covid-19 nathrik a ngahmi cu riahsiat za zet a si. ONE Championship ah mi thawn an sual awk zik ah thlacam nak thawn kan rak bawm rero zo bangtuk in atu khal Pathian nih damnak a pek sal theinak ding ah thlacam nak thawng kan bawm pai uh.

 

Be the first to comment

Leave a Reply

Your email address will not be published.


*