AA Ralkappawlih Nungcang Cu Democracy Thawn a Mil-aw Lo: General Min Aung Hlaing

AA ralkappawl ih cangvaihdan cu kan tuan rero mi democracy thawn a mil-aw lo zet mi cangvaihnak a si tiah Senior General Min Aung Hlaing in NCA kum 4 kimnak puaipi ah a sim.

“ARSA pawlkawm thawn kan buai lai canah AA ih cangvaihnak pawl hi kan tuan rero mi democracy thawn malte hman a mil-aw lo a si. Hi ralhrang cangvaihnak cu ralkap dinhmun in kutsih ih zoh men ding a ngah lo” tiah Senior General Min Aung Hlaing cun a sim.
Ralkap dinhmun in Rakhine ramkulh saklam ih mi malte tlangparmipawl cu ARSA ral lakih kan hum vekin AA ih cangvaihnak lak khalin hum an si thu Senior General Min Aung Hlaing in a sim. Senior General Min Aung Hlaing cun “Rakhine ramkulh thuhla kan sim asile Rakhine ramkulh cu tui hlan ihsin a thianghlim zet mi leiram a si.

Butitawng le Mawngdaw ah ARSA pawl ralhrang ih an cangvaih ruangah daihnak a um nawn loih ram neitu Rakhine, Myo, Khami telin tlangparmipawl ih nunnak le neihsiah thilripawl hrinhro an tuar. Khaw pumhuap rori in an tlan. Khatawk ih um mi malte tlangparmipawl ih nunnak, neihsiah thilri hrinhronak pawl cu ralkap dinhmun in thap mi tampi nei in kan humhim” tiah a sim bet.#

Be the first to comment

Leave a Reply

Your email address will not be published.


*