2020 Miss Hongkong Zuamtu Ding Milian Fala Jocelyn Choizs

Hongkong ih hminthang zetmi milian fala Jocelyn Choizs cu 2020 Miss Hongkong a zuam ve ding tiah Asia One thuthangca in a tarlang.

Jocelyn Choizs cu milian innsang ihsin thanglian a siih, ro cotu ding a si ruangah Media pawlin an ngaihven zetmi a si.

2020 Miss Hongkong zuamtu ding pawl cu June thla sungah an rak hrilsuak zo. Online in siseh, hmaiton in siseh interview tuah in an rak hril.

TVB cun Covid – 19 ruangah Miss zuam-awknak tuah dingmi cu April thla ah a rak phih. Asina’n Online Reality Show dinhmun in tuah dingah an tawlrel rero.

Jocelyn Choizs ih zuam dingmi cu mipi tampi in an thlir nasa. Jocelyn Choizs cu kum 26 ih upa a siih Freelance Artist dinhmun in nun khua satu a si.

Jocelyn Choizs cu Hongkong ih hminthang Actress Linda Chung le Priscilla Wong thawn an hmel tlangthlak an bang aw tiah a hmin a thang zet. Nikum ahkhan A Home With A View timi film ah Anita Yuen ih fanu dinhmun in lem a cang.

Jocelyn Choisz cu Hongkong University ihsin English Major thawn tlawng thehtu a si. France tong khal anhai lo le nal zetin a thiam. Jocelyn Choizs cun Yoga, Thailand boxing, laam tivek pawl a huam zet. Anih hi Hongkong Seafood King a simi Choi Kai Yau ih tunu a si.

Jocelyn Choizs ih pa cu Tycoon pakhat a simi Jonathan Choi Koon Sum a si vekin Sunwah Group ih chairman a si hleiah khualtlawng thilri phur pawlkom ih hotu dinhmun in țuanvo kaitu a si.

Jocelyn Choizs cu HK$4 Billion Daughter timi khalin Hongkong Media pawlin hmin an pekmi a si.

Be the first to comment

Leave a Reply

Your email address will not be published.


*